អស់រយៈពេលមួយឆ្នាំ នៃការដាក់មុខងារផ្សាយបន្តផ្ទាល់ជាវីដេអូនាពេលកន្លងមក Facebook ទើបតែដាក់មុខងារមួយទៀត ដែលមានការផ្សាយបន្តផ្ទាល់ដែរ តែគ្រាន់តែជាសំលេង គ្មានវីដេអូបង្ហាញនោះទេ។ ការបន្ថែមមុខងារនេះ ដើម្បីសម្រួលដល់អ្នកប្រើប្រាស់ ជាពិសេស នៅពេលដែលមានអ៊ីនធើណេតខ្សោយ អាចងាកទៅផ្សាយបន្តផ្ទាល់ជាសំលេង ជំនួសជាវីដេអូបាន ដោយសារតែការផ្សាយបន្តផ្ទាល់វីដេអូ ត្រូវការអ៊ីនធើណេតច្រើនជាង។
ក្នុងគំរោងដាក់ឲ្យប្រើមុខងារនេះ Facebook មិនមែនធ្វើការតែម្នាក់ឯងទេ បណ្តាញសង្គមនេះ បានសហការជាមួយសារពត៌មានល្បីៗមួយចំនួនដូចជា LBC radio, BBC, Harper Collins, Adam Grant និង Britt Bennett ដើម្បីបំផុសឲ្យមុខងារនេះកាន់តែមានជាប្រយោជន៍សម្រាប់អ្នកប្រើប្រាស់។ ជាដំបូង មុខងារដាក់ឲ្យអ្នកប្រើប្រាស់សិន ហើយអ្នកប្រើប្រាស់ទាំងអស់គ្នា នឹងទទួលបាននាពេលបន្ទាប់ ដោយតាមការប៉ាន់ស្មាន ដល់ឆ្នាំក្រោយ នឹងទទួលបានគ្រប់គ្នា។
ការប្រើប្រាស់ក៏ម៉្យាងម្នាក់ សម្រាប់អ្នកប្រើ iOS ត្រូវបើកកម្មវិធីចោល ពេលស្តាប់ការផ្សាយបន្តផ្ទាល់ជាសំលេងនេះ តែអ្នកប្រើប្រាស់ Android អាចចាកចេញពីកម្មវិធីក៏បានដែរ ក៏អាចនៅបន្តស្តាប់ការផ្សាយបន្តសំលេងនេះបាន។
សរុបមក Facebook បានណែនាំមុខងារថ្មី ជាការផ្សាយបន្តផ្ទាល់ជាសំលេង ដែលមានសហការជាមួយក្រុមសារពត៌មាន និងអ្នកជំនាញមួយចំនួន ក្នុងការបំផុសឲ្យមុខងារកាន់តែមានប្រយោជន៍ដល់អ្នកប្រើប្រាស់ ហើយក្នុងឆ្នាំក្រោយ អ្នកគ្រប់គ្នា នឹងទទួលបានមុខងារនេះទៅប្រើប្រាស់។
No comments:
Post a Comment